Me får krafta fram
- nett der du er
Sygnir er med på å rusta Sogn for ei framtid i det grøne skiftet. Me driftar eit nettverk på om lag 2500 kilometer, og har investeringsplanar inne for nærare 800 millionar kroner dei neste ti åra. Desse skal vere med på å leggje til rette for regional vekst og utvikling med fornybar energi som ressurskjelde.
Våre tilsette jobbar kvar dag for å sikra bebuarar i Sogn ei stabil og sikker straumforsyning. Dette er vårt primæroppdrag, og me tek det på største alvor. I dag levera me straum til om lag 13400 nettkundar i kommunane Vik, Sogndal, Aurland og Lærdal. I tillegg har selskapet nettanlegg i kommunane Høyanger og Luster.
Bratt, brattare, Sygnir
Sygnir er ikkje som alle andre nettselskap. Me driftar det brattaste terrenget i landet. I Sygnir spelar me på lag med naturen, der me ofte finn smarte og framtidsretta løysingar ved bygging og drift av nettanlegga våre.
-
I 2021 slo nettverksemdene i Sognekraft, Lærdal Energi og Aurland Energi seg saman og danna nettselskapet Sygnir. Fusjonen skjedde etter at staten hadde lovbestemt at det skulle verte eit selskapsmessig skilje mellom nettverksemd og anna verksemd i kraftselskap. Bakgrunnen for lova var å skilje monopolverksemd frå konkurranseutsett verksemd.
Sygnir er no mellom dei 20 største nettselskapa i landet. Våre over 80 tilsette jobbar på tvers av regionen og me har kontorstad både i Balestrand, Vik, Sogndal, Lærdal og Aurland.
-
Sygnir AS er eit dotterselskap i konsernet Sognekraft.
Det er Sygnir som skal sjå til at du får straum transportert til huset og arbeidsplassen din kvar einaste time året rundt. Det er me i Sygnir som skal sjå til at hundrevis av kilometer med straumførande linjer og kablar til ei kvar tid fungerer, slik at du er sikra trygg og stabil straumforsyning.
Sognekraft AS eig 80% av selskapet, medan Lærdal Energi AS og Aurland Energiverk AS eig 10% kvar.
-
Sygnir er det norrøne namnet på dei som budde i det gamle Sygnafylket, eller på oss sogningar som er nemninga me nyttar i dag.
Me er stolte over opphavet vårt og historia vår. Me kjenner folket som bur her og me kjenner utfordringane naturen vår byr på.
Sygnirnamnet har kraft i seg, og kraft er det me skal transportera og levera – kvar einaste time året rundt, uansett vind, vêr og terreng.
Med blikket retta mot ei berekraftig framtid
Tilgang til fornybar energi er ein avgjerande faktor for å lukkast med det grøne skiftet. Gjennom vedlikehald og opprusting av straumnettet i Sogn er Sygnir ein viktig bidragsytar for klimaomstillinga i vår region. Samstundes som at straumnettet skal vera rusta til å handtere auka trafikk i framtidas elektrifiserte samfunn, skal nettet også vera rusta til å handtere utfordringane med eit stadig meir ustabilt klima med meir ekstremvêr.
Berekraft handlar ikkje berre om klima, men også om sosiale og økonomiske forhold.
Det handlar om korleis våre handlingar påverker levekår for generasjonane som kjem etter oss. Det handlar om å kollektivt, som individuelt, ta dei gode vala som tener fellesskapet på sikt.
Me veit at våre val i dag kan få konsekvensar for morgondagen. Gjennom berekraftig praksis ønskjer Sygnir, som del av Sognekraft-konsernet, å vera med på å forma ei levedyktig og rettferdig framtid i regionen, der alle våre felles ressursar vert teken godt vare på for komande generasjonar. Ved å staka ut ein god kurs, håpar me å inspirera andre til å ville gjera det same. Klikk på denne eksterne lenka for å lesa meir om Sognekraft-konsernet si berekraftshistorie, og om berekraftssatsinga som Sygnir er ein del av.
Nøytralitet - Krav til å opptre nøytralt
Nettselskapa er underlagt forskriftsfesta krav til å opptre nøytralt og ikkje-diskriminerande ovanfor sluttkundar, kraftleverandørar og produsentar.
Krav til nøytralitet følgjer av forskrift om nettregulering og energimarkedet og forskrift om måling, avrekning, fakturering av nett-tenester og elektrisk energi, nettselskapets nøytralitet mv.
Lovverket stiller krav til at nettselskapa skal offentleggjere ein årleg nøytralitetsrapport innan tre månadar etter årsskiftet på eiga nettside.
Her kan du sjå våre rapportar om nøytralitet:
Åpenhetsloven
Åpenhetsloven (LOV-2021-06-18-99) skal fremja verksemders respekt for menneskerettar og anstendige arbeidsforhold i samband med produksjon av varer og levering av tenester. Lova skal og sikra allmenta tilgang til informasjon om korleis verksemder varetek slike rettar.
-
Varetaking av menneskerettar og anstendige arbeidsforhold er viktig. Som eit ledd i åpenhetsloven er verksemder underlagt å gjennomføra aktsemdsvurderingar.
Dette er ein stegvis prosess for å kartleggja, førebyggja, gjera greie for og følgja opp korleis verksemda handterer vesentlege negative konsekvensar/risiko for nemnde rettar.
Sygnir har sjølvstendig rapporteringsplikt etter lova. Selskapet si utgreiing finn du her. Utgreiinga har vorte elektronisk signert, og har difor ikkje signaturar. -
I Sygnir verdset me tillitsbaserte samarbeid med partnarar som delar våre verdiar og forpliktingar til grunnleggjande menneskerettar og etisk praksis.
Klikk på her for å lese meir om Sygnir sine vedtekne etiske retningslinjer for leverandørar.
-
Eventuelle spørsmål til korleis eitt eller fleire av verksemdene handterer faktiske og potensielle negative konsekvensar kan sendast til: post@sygnir.no
Samstundes minner me om at eit eventuelt krav om informasjon kan avslåast av følgjande grunnar som nemnt i Åpenhetsloven § 4. Lova er å finne her: https://lovdata.no/pro/#document/NL/lov/2021-06-18-99/%C2%A76
Jobba i Sygnir?
Vil du vera med på laget til ei verksemd i stadig vekst? Ha ein arbeidsgjevar som trur på framtida og som torer å satsa? Då kan Sygnir vera verksemda for deg.