Alt om nettleige

Du betalar nettleige til det lokale nettselskapet ditt. Nettleiga gir nettselskapet inntekter til dekning av nettkostnader, utnytting og utvikling av nettet. Nettleiga varierer frå nettselskap til nettselskap. RME kontrollerar kvart år at inntekta nettselskapet hentar inn gjennom nettleiga ikkje er høgare enn det nettselskapet har lov til.

Nettleiga har to delar, kapasitetsledd og energiledd.

Kapasitetsleddet er eit beløp per månad etter kor mykje straum du brukar samstundes. Kapasitetsleddet vert rekna ut frå eit gjennomsnitt av dei tre timane i månaden du har brukt mest straum, og timane må vere fordelte på ulike dagar.

Dersom du jamnar ut straumforbruket får du lågare kapasitetsledd enn om du brukar mykje straum på ein gong.

Energileddet blir bestemt utfrå kor mykje straum du brukar totalt (antal kilowatttimar).

I 2022 endra Sygnir nettleigemodellen i tråd med lovpålagde krav frå nasjonale myndigheiter. Den nye modellen legg til rette for ein smartare og jamnare bruk av nettet, slik at ein reduserer behovet for kostbare utbyggingar fram i tid.

Kapasitetsleddet vert rekna ut frå eit gjennomsnitt av dei tre timane i månaden du har brukt mest straum, og timane må vere fordelte på ulike dagar. Dersom du jamnar ut straumforbruket ditt gjennom døgnet, får du eit lågare kapasitetsledd enn om du brukar mykje straum på ein gong.

Nettleigeprisar januar 2026

Historiske nettleigeprisar:

• Frå 1. oktober 2025

• Frå 1. juli 2025

• frå 1. januar 2025

• frå 1. januar 2024

• Frå 1. mars 2023

• frå 1. juli 2022

Berekning av di nettleige

Som plusskunde betalar du ikkje nettleige for den krafta du produserer og brukar sjølv, men du betalar ordinær nettleige for alt forbruk utover dette. Les meir om plusskunde her

Slik blir straumstøtta rekna ut 

Du får støtte i dei timane elspotprisen (spotprisen utan merverdiavgift og påslag) i ditt prisområde er høgare enn 75 øre per kilowattime (kWh). I desse timane får du støtte for 90 prosent av beløpet over 75 øre/kWh. I tillegg blir det lagt på 25 prosent som kompensasjon for merverdiavgifta du betaler for straum.  

Formelen for å rekna ut støtta blir då

(elspotprisen i ditt område – 75) × 0,9 × 1,25 

Regjeringa sin straumstøtte skal kompensera for høge straumprisar.

Støtteordninga blir handtert av nettselskapa. Det betyr at straumstøtta blir trekt frå på nettleigefakturaen. Dei som har felles fakturering for kraft og nettleige vil få trekt frå støtta på straumfakturaen.

• Straumstøtte blir rekna ut frå straumprisen time for time

•(elspotprisen i ditt område – 75) × 0,9 × 1,25 

• Straumstøtte blir gitt til privatkundar og sameige(burettslag)

• Støtta blir gitt opp til 5000 kWh pr bueining pr månad

Les meir på NVE sine sider:

Straumstøtte for hushaldningar

Straumstøtte for sameige og burettslagumstøtte for hushaldning

Støttesats time for time NVE

Det er ei rekkje ting du kan gjera for å tilpassa deg ny nettleige. Nokre tips er å lada elbil om natta, programmera nattsenking på varmeomnar og termostatar, og ikkje bruka straumkrevjande apparat samstundes. Bruk aldri vaskemaskin, turketrommel eller andre hushaldningsapparat når du ikkje er til stedes eller søv.

Du kan lesa meir om smarte energi- og klimatiltak på ENOVA sine sider.

Dersom du ikkje har vald ein straumleverandør, har me som nettselskap plikt til å levera straum til deg, til ein pris som er høgare enn du normalt vil kunne få frå ein vanleg straumleverandør.

Dette vert kalla leveringsplikt, og er kun meint som ei midlertidig ordning inntil du har skaffa deg straumleverandør.

Frå 0 til 6 veker: Gjennomsnittleg marknadspris (spotpris) + 6,25 øre/kWh inkl. mva i påslag

Etter 6 veker: Gjennomstnittleg marknadspris (spotpris) + 10,00 øre/kWh inkl. mva i påslag

Me anbefaler deg at du tek kontakt med ein valfri straumleverandør for å bestille den straumavtale som passar deg best.

Det fins mange leverandørar, og mange typar avtale.

På Forbrukerrådet sin strømpris.no kan du finne straumleverandørar i ditt område.

Du må oppgi flg. opplysningar ved bestilling av straum:

-Målepunkt ID
-Fødselsdato eller organisasjonsnr:
-Namn
-Målepunktet si adresse

For meir informasjon om korleis straummarknaden fungerer, sjå NVE sine forbrukarsider.

Standardvilkåra gjeld mellom nettselskap og kunde frå det tidspunktet dei er kunngjorde for kundane i samsvar med gjeldande reglar (sjå pkt. 17 i nettleigevilkåra og pkt. 9 i tilknytingsvilkåra).

Standardvilkår for nettleige privat

Avtalen er tilpassa små og mellomstore kundar og dekkjer dei aller fleste næringskundar.

Standardvilkåra gjeld mellom nettselskap og kunde frå det tidspunktet dei vert kunngjorde for kundane i samsvar med gjeldande reglar (sjå pkt. 16 i nettleigevilkåra og pkt. 9 i tilknytingsvilkåra).

Standardvilkår for nettleige næring

Søknad om redusert sats og fritak

Elavgift (forbruksavgift) er ei avgift for elektrisk kraft som nettselskapa krev inn på vegne av staten. Det er avgift på all elektrisk kraft som blir levert til sluttbrukarane i Norge, men det er unnatak. For å få redusert sats eller fritak for avgifta må ein støtte visse kriteria.

Fra 1. januar 2025 er avgiftssatsen slik:

Alminneleg sats, januar - mars 2025: 9,79 øre per kWh

Alminneleg sats, april - september 2025: 16,93 øre per kWh

Alminneleg sats, oktober - desember 2025: 12,53 øre per kWh

• Redusert sats : 0,60 øre per kWh

Det er redusert avgift på elektrisk kraft som blir levert til:

• industri- og bergverksproduksjon

• produksjon av fjernvarme

• skip i næring

• produksjon eller omforming av energiprodukt

Det er fritak frå avgift på elektrisk kraft som blir levert til:

• visse kraftintensive prosessar

• veksthusnæringa

For meir informasjon sjå skatteetaten.no

Skjema for fritak eller redusert forbruksavgift

Dersom din straumleverandør har oppretta avtale med Sygnir om felles faktura, får du ikkje ein eigen faktura for nettleige frå oss. Straumleverandøren din sender ut faktura med informasjon om straumforbruket og nettleiga di.

Les meir om felles fakturering (gjennomfakturering) på NVE sine sider.

Desse har inngått avtale om felles faktura med Sygnir:

• Sev AS

• Fjordkraft AS

• Gudbrandsdal Energi AS

• Kraftriket AS

• Vibb AS

• Wattn AS

• Nte Marked AS