Dette er Norgespris
Norgespris er ei statleg ordning som gir deg ein føreseieleg straumpris gjennom året.
Slik fungerar Norgespris
Norgespris er ei statstøtteordning og eit alternativ til dagens straumstøtteordning. Ordninga gir ein fast straumpris på 50 øre (inkl. moms) for straumforbruk i bustader, sameige og fritidsbustader. Dersom du ikkje bestiller Norgespris, vil du framleis halda fram med å motta straumstøtte.
Fast straumpris heile året på 50 øre per kWh med mva (40 øre utan mva) for straumforbruk heime og på hytta.
Bindingstid frå du bestiller og fram til 31. desember 2026.
Har eit forbrukstak på 5 000 kWh per månad for hushald og 1 000 kWh for hytter/fritidsbustader. For forbruk over dette betalar du prisen du har avtalt med din kraftleverandør.
Du kan ikkje få Straumstøtte og Norgespris samtidig.
Du må framleis ha ein straumavtale med din straumleverandør og motta faktura frå straumleverandøren som før. Sidan straumprisen er den same heile året betyr dette i praksis at du enten vil få eit frådrag eller eit tillegg på nettleigefakturaen din. I tillegg til å betale Norgespris må du og betale nettleige, avgifter og eventuelt påslag frå din straumleverandør.
Når prisen er høgare enn 50 øre, får du kompensert differansen mellom spotpris og Norgespris. Døme: Er spotprisen 65 øre, betaler du 50 øre.
Når prisen er lågare enn 50 øre, betaler du 50 øre uansett.
Døme: Er spotprisen 30 øre, må du likevel betale 50 øre.
Slik bestiller du
Du kan bestille Norgespris når som helst i perioden frå 1. oktober 2025 og ut bindingstida til 31. desember 2026. Avtalen gjeld frå datoen du bestiller, med 14 dagar avbestillingsfrist frå bestillingsdato.
Du kan bestille Norgespris på minside.elhub.no frå og med veke 39.
Dersom du ikkje har elektronisk ID (BankID, MinID, Buypass og Confides) ta kontakt med Sygnir.
Har du fleire straummålarar registrert på deg, må du bestilla Norgespris for kvar enkelt straummålar.
Unngå svindel
Du bør ikkje klikke på lenker i e-postar.
Ingen skal inn i bustaden din i samband med Norgespris.
Du må framleis ha ein straumavtale med en straumleverandør.
Når bestillingsløysinga for Norgespris er klar, bør du sjølv gå direkte til minside.elhub.no og logga inn med elektronisk ID (BankID, MinID, Buypass og Confides). Om du får problem med å bestilla digitalt, kan du kontakte Sygnir.